| poesie in dialetto lombardo : sant'angelo
lodigiano
ANNO 5- N.4 (Versione web - anno 2 n.4) NUOVA SERIE SETTEMBRE 2001 L’Angel in ferie |
|
Ièn d’Aguste tèmpi sùti cun unàfa trupicàl che fa l’aria sufegùda, l’à pensàde nò ‘l sciur Bùti che me se sntìvi màl… Bèn! la févra m’è vegnùda! E da censetàntacinin estàdi.. sème chi, sèmper sùdàdi… me e le quàter statue che i me vultun ‘l so dedrè. E da sura a le campane guardi zu,desmentegàd dei calsòn, da le sutàne chi camìnun sùl segrà. Pènsun ‘pène che le ferie e i danè drèn nel bursén ièn le ròbe pùssè seie… ecu quèl cl’è ‘l so pensà! E gh’è nò un santngiulén ch’el me pènsa un ccinén! Cun la spàda ò defendùde el paìs dai tempurài e nissoen l’à viste i mài che i fùlmeni m’àn fài e m’àn trài de mète in rùde! Una màn i m’àn ferìde e la spàda s’è piegàda vèrse i teci dla cuntràda. E…s’iàn fài o barasèn? Un bèl gnèn! Pròpi un bèl gnèn! M’àn guardàde per trì dì cul col tort…e basta lì! Iàn la stràda transenàda pròpi suta el campanén per salvàss el cò d’la spàda. Tùte rute,nel mè poste. ò passàde el ferragùste, suta el sul, parìvi un ròste. In estàde cùnti gnèn per i tànti pensiunàdi tàme stàn sùl munaster i peviòn che fina a ier i spurchèvun el segrà. Quèi nei bàr? Stàn lì a setà, a parlà, sparlà e…bla…bla.. Anca drèn nel Circulèn, petacàdi a carte e a vèn, guarda càs, nissoen me guarda…
|
i sàn nò che la me spàda la sumiglia a ’na alabarda. Anca in Bu de San Martèn i sàn nànca se ghe stò… d’oltra parte ghe do in scèna ‘pèna la rubesta s’cèna cun du alète petàcade. Ma se fò, mè un pòr malàn, cun sta spàda storta in màn, cun un finche invèr Milàn, l’òlter vèr San Culumbàn? E perché i me oegi i vàn ver Pavia e fissi i stàn? Ghe sarà nò btàva gènte che me fàssa un basamènte, cun rudele e suspensiòn, che me dàga el muìmènte ch’el me fàssa, insì, girà? Insi, pùdarò guardà Anca vèr San Culumbàn, le Caséle e Salaràn, Sant’Amboes salùdarò… E dedrè, se giri amò, vedrò el me San Bssian! Viste che da pòr malàn m’àn tratàde tùti quànti voeri fa dle ròbe serie ànca me! Ciàpi le ferie! Làssi, alura, el campanèn e sbatèndu i me dù alén voeri pròpi fa un viagète… sura vùna dle turète che curunun el castèl! Un viagète de prutèsta e…el santangiulèn dla fèsta al Sciur Sindeghe, al Prevòste disarà "Perché? Perché l’Angel stà pù nel so pòste? E el perché v’l’ò dì, adès, me! Bèn! Cambiànde la cuntràda… me se drissàrà la spàda? Ruce – Ferragosto 2001
|
