La culonia elioterapica de tanti ani fa
Ricorrono frequenti e indelebili alla mente dei nostri lettori i ricordi e le immagini dei tempi della gioventù trascorsi alla colonia elioterapica che si svolgeva, nei mesi estivi, presso il campo sportivo comunale.
Il gustoso racconto che pubblichiamo, opera della lettrice Piera Negri Piacentini, ci riporta al tempo del periodo fascista nel quale l’attività era molto sviluppata ritenendo la cura del sole terapeutica, cui si aggiungeva la funzione educativa e di propaganda.
Nel racconto reso ancor più colorito dal nostro dialetto l’autrice passa in rassegna i vari momenti della giornata che oggi potrebbero sembrare scontati ma che bastavano a rendere felici la gioventù di allora. Altri tempi!



A ses ani, cun me surèla Lena, in una estate ben calda, seme ‘ndai a la culonia chi fèvun al campo sportivo, per quaranta dì.
A la matina a vot’ur prunte cun le tutìne bianche cun disegnade su la vita el fascio, una sachéla nègra al bras cun indrèn un para de müdandìne nègre, un fasulète e le siculìne. Se truèveme in Piasa Nova.
I ne metèvun tüte in fila du a du e marciàndu a pe ndèveme fina a la culonia. A la matina, dopu le urasiòn, se giügheva. Se fèva le pigne de tèra e cun un ciòde, (chiamato pirinpinpén) el se tirèva sü la pigna. Vincèva chi l’è che la mandèva in mes (al centro della montagnola di terra).
A mesdì, il pranzo, setàde sü le panche, mangèveme sü di bei taulòn lunghi, un bel piàte de minestròn e un misero frutto.
Al disnà, giochi vari del tipu: “curìs adré” e a la fen tüti a fa la docia. Tüte in file vüna adre a l’altra inturne al campe de cursa, e al cènter una persùna cun in man la cana de guma la te sbrufèva l’acqua adoss. (Questa era la doccia).
Finìda la docia, la merenda da mangià setàde sü la gradinàda de la tribuna. I te fèvun imparà le cansòn della gioventù fascista e a la fen se vusèva “Eia eia alalà!”
A la fen de la giurnada, tüte in fila, cun su le noste bele tutìne, la sachéla nègra al bras, ndèveme a ca bèle strache. Sèreme strache ma cuntènte de la giurnada che eveme pasade insèma a le noste amìse.
“Se vedème dumàn!”
Ai nosti ani ièrun quèste le ”nostre vacanze estive.”
Piera Negri Piacentini

IL PONTE - foglio d'informazione locale di Sant'Angelo Lodigiano